नेसपा (नयाँ शक्ति)को अध्यक्षमा बाबुराम भट्टराई निर्वाचित

काठमाडौँ। नेपाल समाजवादी पार्टी (नयाँ शक्ति)को अध्यक्षमा डा. बाबुराम भट्टराई निर्वाचित भएका छन्।

पार्टीकाे प्रथम राष्ट्रिय महाधिवेशनअन्तर्गत नयाँ नेतृत्व चयनका लागि २९ गते भएकाे मतदानमा अध्यक्षका अर्का प्रतिस्पर्धी नेत्र चापागाईंलाई पराजित गर्दै भट्टराई निर्वाचित भएका हुन्।

यद्यपि औपचारिक घोषणा हुन भने बाँकी छ । नेपाल प्रज्ञा प्रतिष्ठानमा साँझ ५ बजे पत्रकार सम्मेलनमार्फत औपचारिक घोषणा गरिने बताइएकाे छ।

साेही सम्मेलनमा महाधिवेशनबाट नवनिर्वाचित पदाधिकारी र सदस्यहरूको शपथ ग्रहण कार्यक्रम रहेकाे छ।

महाधिवेशनबाट दुई उपाध्यक्ष, एक कोषाध्यक्षसहित केही केन्द्रीय सदस्य निर्विरोध चयन भएका छन् । पार्टीको महिला उपाध्यक्षमा मानुषी यमी भट्टराई र दलित उपाध्यक्षमा दुर्गा सोब निर्विरोध निर्वाचित भएका छन्।

निर्विरोध भएका पदाधिकारी र केन्द्रीय सदस्यमा कोशी प्रदेश केन्द्रीय सदस्य (खुला) मणि राई, कोशी प्रदेश केन्द्रीय सदस्य (महिला) तारा बास्तोला दवाडी, मधेस प्रदेश केन्द्रीय सदस्य (महिला) बिबि समिना खातुन, बागमती प्रदेश केन्द्रीय सदस्य (महिला) वसुन्धरा सापकोटा, गण्डकी प्रदेश केन्द्रीय सदस्य (खुला) चित्र सापकोटा, गण्डकी प्रदेश केन्द्रीय सदस्य (महिला) नारायणी अधिकारी, लुम्बिनी प्रदेश केन्द्रीय सदस्य (खुला) कमल खनाल छन्।

यस्तै  लुम्बिनी प्रदेश केन्द्रीय सदस्य (महिला) सुनिता काफ्ले, कर्णाली प्रदेश केन्द्रीय सदस्य (खुल्ला) लक्ष्मीप्रसाद भट्टराई, कर्णाली प्रदेश केन्द्रीय सदस्य (महिला) मीराकुमारी मल्ल, सुदूरपश्चिम प्रदेश केन्द्रीय सदस्य (खुला) रतनबहादुर टमटा, सुदूरपश्चिम प्रदेश केन्द्रीय सदस्य (महिला) सत्यदेवी चापागाईं, भारत प्रवास प्रदेश केन्द्रीय सदस्य (खुला) लोकेन्द्रबहादुर सुनार, केन्द्रीय सदस्य खुला युवा महिला निशा श्रेष्ठ, आदिवासी जनजाति युवा महिला मञ्जु माया तामाङ, मधेसी महिला अमृताकुमारी देवी, दलित केन्द्रीय सदस्य युवा हिक्मत विक र थारू महिला गीता थनेत निर्विरोध निर्वाचित छन्।