नेपालमा पूर्वराजालाई स्पेस दिनुपर्छ, गणतन्त्रकाे विराेध गरिरहन्छाैँ: राजेन्द्र लिङ्देन

काठमाडौँ । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले नेपालमा पूर्वराजालाई स्पेस दिनुपर्ने बताएका छन् ।  

आइतबार प्रतिनिधिसभाकाे आकस्मिक समयमा बोल्दै अध्यक्ष लिङ्देनले भने, ‘म नेपालमा राजालाई कुनै न कुनै स्पेस दिनुपर्छ र राजासहितकाे प्रजातन्त्र हुनुपर्छ भन्ने पार्टीको अध्यक्ष हुँ।’

उनले गणतन्त्र लडेर ल्याएकाे भए पनि लुटतन्त्रमा परिणत भएकाेले आफूहरुले निरन्तर रुपमा विराेध गरिरहने चेतावनी दिए ।

‘गणतन्त्रकाे विराेध गर्नु, प्रजातन्त्र विराेध गर्नु हाे भन्ने जस्ताे अर्थमा यहाँ जुन कुरा राखियाे। तपाईं गणतन्त्र लडेर ल्याएकाे हाेस् अथवा विदेशीकाे बुइ चढेर ल्याएको होस्, त्याे गणतन्त्र लुटतन्त्रमा परिणत हुन्छ भने हामी निरन्तर रुपमा विराेध गरिरहन्छाैँ’, उनले भने।