महिलाकाे जिन्स पकेट किन सानो हुन्छ ?

के तपाईंले कहिल्यै याद गर्नु भएको छ महिलाको जिन्स पाइन्टको गोजी पुरुषको तुलनामा सानो हुन्छ ? जबकी महिलाहरूले ठूलो पर्स र झोलाहरू बोक्नु पर्छ । त्यस हिसाबमा महिलाले लगाउने पाइन्टको गोजी ठूलो हुनु पर्ने हो । 

खासमा जीन्सको जन्म अमेरिकामा मजदुरहरुका लागि भएको थियो । जति बेला जिन्सको जन्म भएको थियो त्यति बेला पुरुषहरु खेत र कारखानामा काम गर्थे भने महिलाहरु घरको काममा सिमित थिए ।

पुरुषहरूले गोजीमै उपकरणहरू राख्ने भएकाले उनीहरुका लागि ठूला गोजी बनाइएको थियो । महिलाले लगाउने जिन्समा केबल डिजाइनका लागि मात्रै गोजी राखिएको थियो । प्रारम्भमा महिला र पुरुषका लागि एकै खालको जिन्स थियो केबल गोजी मात्रै फरक थियो । पछि पछि महिला र पुरुषको डिजाइन नै छुट्टा छुट्टै खालको हुन थाल्यो । आफुलाई आकर्षक देखाउन नै हरेकले नयाँ कपडा प्रयोग गर्ने हुन् । डिजाइनरहरुले पनि अहिले महिलालाई आकर्षक देखिने हिसाबले डिजाइन गरेका छन् ।

जिन्स मात्रै होइन महिलाले लगाउने अन्य कपडामा पनि गोजी हुँदैन । उनीहरु प्राय हातमै पर्स बोक्छन् ।