गगन थापालाई निर्वाचन आयाेगले मान्यता दियाे भने देशभर आन्दाेलन हुन्छ : पूर्णबहादुर खड्का

काठमाडौं । गगन थापाले नेतृत्व गरिरहेको कांग्रेसले निर्वाचन आयोगले मान्यता दिए देशभर आन्दोलन गर्ने  देउवा समुहले बताएकाे छ ।

पार्टी केन्द्रीय कार्यालयमा पत्रकार सम्मेलन गर्दै कार्यबाहक सभापति पूर्णबहादुर खड्काले त्यस्तो अवस्था आए देशभर आन्दोलन गर्ने बताए ।

‘निर्वाचन आयोग गलत बाटोमा जान्छ भन्ने हामीलाई लाग्दैन । तर, आशंकाहरू छन्,’ खड्काले भने, ‘निर्वाचन आयोगले हामीले नेतृत्व गरिरहेको नेपाली कांग्रेसलाई मान्यता दिएन भने कांग्रेस देशभर आन्दोलन गर्न तयार छ । हामी गाउँगाउँ, वडावडाबाट चारतारे झण्डा लिएर आन्दोलित हुनेछौं ।’

उनले त्यस्तो अवस्थामा आए पार्टीको आह्वानमा आन्दोनलमा होमिन देशभरका कार्यकर्ता र संघसंगठनलाई निर्देशन दिए ।

शुक्रबार बिहान मात्रै देउवा समुहले निर्वाचन आयाेग पुगेर देउवा समुह आधिकारिक भएकाे दावी गर्दै कागजपत्र बुझाएकाे छ ।