- असार ०६, २०८०
समयआवाज संवाददाता
Photo -LK
काठमाडौं । गणतन्त्र पक्षधर समाजवादी मोर्चाकाे मञ्च तयार भएकाे छ ।
मोर्चाले काठमाडौँस्थित प्रदर्शनी मार्गकाे बीच सडकमै मञ्च बनाएकाे हाे ।
मञ्चमा ‘यथास्थिति र प्रतिगामी षड्यन्त्रको विरोध गरौं, गणतन्त्रको सम्बर्द्धन र राष्ट्रिय स्वाधिनताको संरक्षण गरौं,’ नारा लेखिएको रातो ब्यानर राखिएको छ ।
भ्रष्टाचार र बेथितिविरुद्ध सरकारलाई खबरदारी गर्न, व्यवस्थाको रक्षा गर्न भन्दै मोर्चाले जनप्रदर्शन गर्न लागेको हो ।
मोर्चाले काठमाडौंका विभिन्न स्थानबाट र्याली निकाल्ने छ । उक्त र्याली प्रदर्शनी मार्गमा भेला भएर सभामा परिणत हुनेछ ।
उक्त सभामा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादी पार्टीका अध्यक्ष माधवकुमार नेपाल, नेपाल समाजवादी पार्टीका अध्यक्ष महिन्द्र राय यादव र नेपाल कम्युनिस्ट पार्टीका अध्यक्ष नेत्रविक्रम चन्द ‘विप्लव’ले सम्बोधन गर्नेछन् ।
राजावादीहरुकाे पनि आजै प्रदर्शन भएकाले अप्रिय घटना हुन नदिन प्रहरीले विशेष सुरक्षा सतर्कता अपनाएको बताएको छ ।
टिप्पणीहरू: