बंगलादेशकी पूर्वप्रधानमन्त्री शेख हसिनाको पार्टीद्वारा देशव्यापी विरोध प्रदर्शन घाेषणा

ढाका । अदालतद्वारा  मृत्युदण्ड सुनाइएकी बंगलादेशकी पूर्वप्रधानमन्त्री शेख हसिनाको पार्टी अवामी लिग आउदाे नोभेम्बर ३० सम्म देशव्यापी विरोध प्रदर्शन गर्न कार्यकर्ताहरूलाई आह्वान गरेको छ।

नोभेम्बर १७ मा बंगलादेशको अन्तर्राष्ट्रिय अपराध न्यायाधिकरणले ७८ वर्षीया पूर्वप्रधानमन्त्री हसिना र तत्कालीन गृहमन्त्री असदुज्जमान खान कमललाई मृत्युदण्डको सजाय सुनाएको छ। 

आफ्नो आधिकारिक एक्स ह्यान्डलमा पोस्ट गर्दै अवामी लिगले न्यायाधिकरणको निर्णय मोहम्मद युनुसको अन्तरिम सरकारले हसिना र उनको पार्टीलाई अर्को वर्ष फेब्रुअरीमा हुने आम चुनावबाट ‘बाहिर’ राख्ने राजनीतिक ‘षड्यन्त्र’अन्तर्गत त्यस्तो निर्णय गरेको आरोप लगाएको छ। 

पार्टीले न्यायाधिकरणको निर्णय अस्वीकार गर्दै त्यसलाई ‘अवैध’ भनेको छ र युनुसको राजीनामा मागेको छ। 

अवामी लिगले युनुस र उनका सहयोगीहरूलाई ‘स्वतन्त्रता विरोधी’ र "राष्ट्रविरोधी" गतिविधिमा संलग्न भएको आरोप लगाएको छ।

जुलाई २०२४ मा सरकारी जागिरमा आरक्षणविरुद्ध  बंगलादेशमा भएको विद्यार्थी आन्दोलनबाट विस्थापित भएकी शेख हसिना सेनाकाे सहयाेगमा भारत भागेकी थिइन्। अहिले उनी भारतको शरणमा छिन्।