लोक दोहोरी गायिका रीताले कांग्रेस केन्द्रीय सदस्यमा उम्मेदवारी दिने

काठमाडौँ । लोक तथा दोहोरी गीत प्रतिस्ठानकी अध्यक्ष रीता थापामगरले आजबाट सुरु हुन लागेको नेपाली कांग्रेसको १५औँ केन्द्रीय महाधिवेशन केन्द्रीय सदस्य पदमा उम्मेदवारी दिने भएकी छन् ।  धादिङ क्षेत्र नं. २ बाट खुल्ला महिला तर्फ सर्वाधिक मत प्राप्त गर्दै केन्द्रिय महाधिवेशन प्रतिनिधिमा चुनिएकी थापा मगरले खुल्ला महिला तर्फबाट केन्द्रिय सदस्यमा उम्मेदवारी दिने भएकी हुन् ।

दुई दशकभन्दा लामो समयदेखि नेपाली लोकदोहोरी क्षेत्रमा सक्रिय थापा मगरको थुप्रै लोक दोहोरी गीत चर्चित छन् । काँग्रेसको इतिहास, संघर्ष र आदर्शलाई आत्मसात् गर्दै अग्रजहरूले देखाएको बाटो पहिल्याउदै युवापुस्ता, महिलाको सम्मानजनक सहभागिता, अवसर र नेतृत्वलाई अझ बलियो बनाउने उनको संकल्प रहेको छ ।