एउटा क्रुर घटना : छात्रालाई नाङ्गै बनाएर कम्पासले घोचे

एजेन्सी । भारतको केरलामा रहेको एक सरकारी मेडिकल केलेजमा भएको एउटा क्रुर घटना सार्वजनिक भएको छ । तेस्रो वर्षमा अध्ययनरत नर्सिङका पाँच जना छात्रा मिलेर पहिलो वर्ष अध्ययनरत छात्रालाई क्रुर यातना दिएको अभियोगमा प्रहरीले पाँच जनालाई पक्राउ गरेको छ ।

एनडीटीभीको रिपोर्ट अनुसार घटना कोट्टायममा रहेको सरकारी नर्सिङ कलेजको को हो जहाँ तीन जना छात्रालाई सिनियरले तीन महिनासम्म क्रुर यातना दिएका थिए । घटनाको बारेमा कतै उजुरी गरेमा कलेजबाट निस्कासन गर्ने धम्कि दिएर यातना दिएका थिए । उनीहरु जुनियरलाई नाङ्गै हुन निर्देशन दिन्थे र नाङ्गो शरिरका संवेदनशील अंगमा कम्पासको चुच्चोले घोचिदिन्थे ।

पीडित जब पीडाले चिच्याउथे, मुखमा लोसन लगाइदिन्थे । यस्ता घटना पटक पटक गर्दै धम्कि दिइरहन्थे ‘यदि कतै भन्यौ भने भविष्य वर्वाद गरिदिन्छौं ।’ एक छात्रले जब आफुले पाएको पीडाबारे आफ्ना बुबालाई जानकारी गराइन् बुबाले प्रहरीमा उजुरी गर्न सुझाब दिए । अहिले पाँचै जनालाई प्रहरीले पक्राउ गरेर अनुसन्धान जारी राखेको छ ।