बंगलादेशमा निर्वाचित सांसदहरुले लिए सपथ

बंगलादेश नेशनलिस्ट पार्टी (बीएनपी) का नवनिर्वाचित संसद सदस्यहरूले मंगलबार संसदको शपथ लिएका छन् ।

बिहान १०ः४२ बजेतिर प्रमुख निर्वाचन आयुक्त एएमएम नासिर उद्दिनले शपथ ग्रहण गराए ।

नयाँ मन्त्रिपरिषद्ले दिउँसो संसद भवनको दक्षिण प्लाजामा शपथ ग्रहण कार्यक्रम छ । राष्ट्रपतिले मन्त्रिपरिषद्का सदस्यहरूलाई शपथ खुवाउने कार्यक्रम छ । नवनिर्वाचित सांसदहरूलाई शपथ ग्रहण गराएपछि, मुख्य निर्वाचन आयुक्तले संविधान सुधार आयोगका सदस्यहरूलाई पनि शपथ ग्रहण गराउनेछन् । संविधान अनुसार, सभामुख वा उपसभामुखको अनुपस्थितिमा, नयाँ संसद सदस्यहरूलाई शपथ ग्रहण गराउने जिम्मेवारी मुख्य निर्वाचन आयुक्तको हुनेछ ।
समारोहको लागि संसद क्षेत्र वरिपरि चार तहको सुरक्षा व्यवस्था मिलाइएको छ ।

समारोहमा एकहजार भन्दा बढी स्वदेशी तथा विदेशी पाहुनाहरूको उपस्थिति थियो ।

फेब्रुअरी १२ को चुनावपछि निर्वाचन आयोगले फेब्रुअरी १३ मा २९७ निर्वाचित सांसदहरूको सूची प्रकाशित गरेको थियो ।

निर्वाचन आयोगको आधिकारिक नतिजा अनुसार, बंगलादेश राष्ट्रवादी पार्टी नेतृत्वको गठबन्धनले २९७ मध्ये २११ सिट जितेको छ भने बंगलादेश जमात–ए–इस्लामी नेतृत्वको ११ दलीय गठबन्धनले ७७ सिट जितेको छ । स्वतन्त्र उम्मेदवारहरूले सात सिट जितेका छन् ।