सात जना नेतासंग छलफल गर्दै देउवा

काठमाडाैं । डेढ महिनादेखि  महाधिवेशनकाे गफमा रुमल्लिएकाे नेपाली कांग्रेसका सभापति शेरबहादुर देउवाले कांग्रेसका सात नेतालाई छलफलका लागि बोलाएका छन् ।

विमलेन्द्र निधि, प्रकाशमान सिंह, कृष्णप्रसाद सिटौला, डा. शशांक कोइराला, विजयकुमार गच्छदार, गोपालमान श्रेष्ठ र डा. प्रकाशशरण महतलाई बोलाएका हुन् । उनीहरुसंग देउवाले आज विषेश छलफल गर्ने भएका छन् ।

सातमध्ये तीन जना निर्वाचनपछि मात्रै महाधिवेशन गर्नुपर्ने पक्षमा छन् भने चार जना निर्वाचन अगाडी नै महाधिवेशन गर्ने पक्षमा छन् ।

आजै कार्यवाहक सभापति पूर्णबहादुर खड्का, महामन्त्रीद्वय गगन थापा, विश्वप्रकाश शर्मा र रमेश लेखकसहितका नेताहरु बीच पनि छलफल हुँदै छ ।