राष्ट्रिय सभागृहमा कांग्रेस विशेष महाधिवेशन पक्षधरको भेला

काठमाडाैँ। नेपाली कांग्रेसकाे विशेष महाधिवेशन पक्षधरले विशेष भेला गरेकाे छ।

बुधबार काठमाडौँको प्रदर्शनीमार्गस्थित राष्ट्रिय सभागृहमा भेला आयाेजना गरेकाे हो।

भेलामा सहभागी नेताहरूले विशेष महाधिवेशन आह्वान गर्नुपर्ने पक्षमा आ-आफ्नो भनाइ राखिरहेका छन्।

केन्द्रीय समिति बैठकले विशेष महाधिवेशनको मिति तोकिनुपर्ने उनीहरूको माग छ।

कांग्रेसको केन्द्रीय समिति बैठक भोलि बस्दैछ। भोलिकाे बैठकलाई दबाब दिनको लागि  विशेष महाधिवेशन पक्षधरले आज भेला गरेकाे हो।

भेलामा केन्द्रीय सदस्यहरू मधु आचार्य, प्रतिमा गौतम, तारामान गुरूङ, अजयबाबु शिवाकोटी पनि सहभागी छन् भने लुम्बिनी कांग्रेस सभापति अम्मरसिंह पुन, गण्डकी सभापति शुक्रराज शर्मालगायत सहभागी छन्।