कांग्रेसको केन्द्रीय कार्यसमिति बैठक फेरि सर्याे

पाटन (ललितपुर) । शुक्रबार बस्ने भनिएको नेपाली कांग्रेस केन्द्रीय कार्यसमितिको बैठक आइतबारका लागि सारिएको छ ।

पार्टीका मुख्यसचिव कृष्णप्रसाद पौडेलले दिएकाे जानकारीअनुसार मङ्सिर १२ गते शुक्रबार दिउँसो २ः०० बजे पार्टीको केन्द्रीय कार्यालय, बिपी स्मृति भवन, बिपी नगर, ललितपुरमा बस्ने भनिएको बैठक यही मङ्सिर १४ गते आइतबार दिउँसो २ः०० बजे बस्ने भएको छ । 

उक्त बैठकमा केन्द्रीय कार्यसमितिका पदाधिकारी, सदस्य, आमन्त्रित सदस्य र सात वटै प्रदेश कार्यसमितिका सभापतिहरूको उपस्थितिका लागि निर्देशानुसार अनुरोध गरिएको उनले जानकारी दिए।

कांग्रेसमा पछिल्लाे डेढमहिना यता महाधिवेशनकाे बहस सुरु भएकाे छ । महाधिवेशनका लागि सहमति जुटाउनका लागि पटक पटक बैठक सारिएकाे दावी संस्थापन पक्षले गर्दै आएकाे छ ।