विराटनगरमा चाैतारीकाे अधिवेशन सुरु

विराटनगर । प्रेस चौतारी नेपालको १० औँ केन्द्रीय महाधिवेशन विराटनगरमा सुरु भएको छ । 

संगठनका केन्द्रीय अध्यक्ष गणेश बस्नेतको अध्यक्षता तथा नेकपा एमालेका महासचिव शंकर पोखरेलको प्रमुख आतिथ्यतामा सुरु भएको अधिवेशनमा देशभरीका प्रेस चौतारी आबद्ध पत्रकारहरू भेला भएका छन् । अधिवेशनमा देशभरका झण्डै एक हजार पत्रकार जम्मा भएका प्रेस चौतारी नेपालका केन्द्रीय महासचिव हीरामान लामाले जानकारी दिए । 

कार्यक्रममा कोशी प्रदेशका मुख्यमन्त्री हिक्मत कार्की, नेकपा एमालेका केन्द्रीय नेताहरू, पत्रकारहरूका विभिन्न पेसागत संगठनका नेताहरू लगायतको सहभागिता रहेको छ । 

कार्यक्रममा प्रेस चौतारी नेपालले प्रकाशन गरेको स्माररिका विमोचन गरिएको छ । मंगलबारसम्म चल्ने महाधिवेशनले नयाँ नेतृत्व चयन गर्ने छ ।

नेतृतव चयन सर्वसम्मतकि निर्वाचन मार्फत भन्नेमा प्रतिनधिहरुविच विवाद छ । महाधिवेशन सुरु हुनु अगावै प्रधानमन्त्री एवं पार्टी अध्यक्ष ओलीले अध्यक्षमा वर्तमान उपाध्यक्ष गणेश पाण्डे र महासचिवमा चेतन अधिकारीलाई बनाउन निर्देशन जारी गरेकाे सूचना बाहिरिएपछि अहिले सामाजिक सञ्जालमा टिका लगाएर नेतृत्व छान्नु गलत भएकाे प्रतिक्रिया सार्वजनिक भइरहेकाे छ । चाैतारीका निवर्तमान पदाधिकारी नै  निर्वाचन हुनु पर्ने अडानमा रहेकाले केन्द्रिय नेतृत्व अप्ठयाराेमा परेकाे छ ।