भीम रावलले आज पत्रकार सम्मेलन गरेर पार्टी घाेषणाबारे जानकारी दिने

काठमाडौं, १७ पुस । नेकपा एमालेबाट निकालिएका पूर्वउपप्रधानमन्त्री भीम रावलले आज पत्रकार सम्मेलन गर्दैछन् ।

बबरमहलमा रहेको कार्की बैंक्वेटमा दिउँसो १ बजे पत्रकार सम्मेलन गर्ने उनले बताएका छन् ।

परिवर्तित राजनीतिक परिस्थिति र सम्भावित भविष्यबारे पत्रकार सम्मेलनमा जानकारी दिने रावलले बताएका छन् । एमालेले पार्टीबाट निकालेपछि उनले आज पहिलो पटक आधिकारिक रूपमा आफ्नो धारणा राख्ने भएका हुन् ।

रावलले नयाँ पार्टी खोल्ने तयारीका लागि छलफल पनि अगाडि बढाइरहेको रावल निकट नेताहरू बताउँछन् । उनकाे पार्टी घाेषणा केही दिनपछि हुने उनी निकट नेताहरुकाे भनाई छ ।