बंगलादेशमा किन सुरु भयो युनुसको विरोध ?

एजेन्सी । आइतबार राती ‘जुलाई विद्रोह’ का प्रदर्शनकारी आफ्ना माग राख्दै मोहम्मद युनुसको घर बाहिर पुगे । 

प्रदर्शनकारीहरूले विद्यार्थी आन्दोलनको क्रममा घाइते भएका प्रदर्शनकारीहरूको उचित उपचार, पुनःस्थापना र आधिकारिक मान्यता दिनु पर्ने माग राखेका छन् ।

शनिबार प्रदर्शन सुरु भएको थियो । आइतबार प्रदर्शनकारीहरू अन्तरिम सरकार प्रमुखको सरकारी निवा स्टेट गेस्ट हाउस पुगे । सुरक्षाकर्मीले उनीहरुलाई रोके । सुरक्षाकर्मीले रोकेपछि प्रदर्शनकारीहरु त्यही धर्नामा बसे । बंगलादेशको अंग्रेजी पत्रिका ढाका ट्रिब्युनका अनुसार एक प्रदर्शनकारी अमीनुल इस्माल इमाले पत्रकारसंग कुरा गर्दै भने ‘वर्तमान सरकार जुलाई आन्दोलमा घाइते एवं मृत्यु भएकाहरु मान्छेको रगतमा बनेको हो ।’ 

आइतवार राती, प्रदर्शनकारीहरूले अन्तत ः सुरक्षा घेरा तोडेर मोहम्मद युनसको निवासमा पुगे । सरकारले आश्वासन दिएपछि आन्दोलनकारीले सोमबारको आम हडताल स्थगित गरेका छन् ।

भेदभाव विरोधी छात्र आन्दोलनका केन्द्रिय संयोजक हसनात अब्दुल्लाहले रातीसम्म प्रदर्शनकारीसंग संवाद गरे । एक घाइते प्रदर्शनकारीले मुनीर हसनले केही माग यसै हप्ता र बाँकी आगामी हप्ता गरिने बताए ।

‘अब हामी सरकार र यसको आश्वासन कस्तो आउछ त्यसै अनुसार अगाडी बढ्छौं ।’ 

बंगलादेश राष्ट्रवादी पार्टी (बीएनपी) कार्यकारीका कार्यकारी अध्यक्ष ताधि राहमानले भने सुधारको कुरा हुँदै गर्दा तानाशाहको खतरा बढ्न सक्ने संकेत गरे ।

उनले यसो पनि भनेका छन् ‘सुधारका कुरा थाँती राख्दै जाँदा देश गम्भिर संकटमा फस्न सक्छ ।’

आइतबार ढाकामा आयोजित कार्यक्रममा तारिफले रहमानले भने देश सुधार्ने जिम्मा पाएका व्यक्तिले निर्वाचनमा ध्यान केन्द्रित गर्नुपर्छ ।’ 

मोहम्मद युनसले भने अन्तरिम सरकारले सुधारका लागि १५ अलग अलग आयोगहरू गठन गरेका छन् । साथै निर्वाचन प्रकृया पनि सुरु भएको जानकारी दिएका छन् ।

मोहम्मद युनुसार आयोगहरूको रिपोर्ट पछि सुधारका कार्यक्रम कार्यान्वयन हुन्छ । उनले यो पनि भने चुनाव अघि सुधारका कार्यक्रम असम्भव छ । यो वर्षको अन्तिमसम्ममा चुनाव हुने उनको भनाई छ ।

साथै उनले जुलाई आन्दोलनमा संलग्न विद्यार्थीहरूले दल गठन गर्न सक्ने बताएका छन् । ‘मन्त्रिपरिषद्को गठन गर्दा मैले मेरो क्याबिनेटमा तीनजना विद्यार्थीलाई सहभागी गराएँ । उनीहरुले राम्रो गर्दै गएका छन् ।’ उनले भने  ‘उनीहरु भन्दैछन् विद्यार्थीले दल किन गठन नगर्ने ?’ 

शेख हसिनाको कार्यकालमा बांग्लादेशसँग भारतको सम्बन्ध घनिष्ठ सम्बन्ध थियो । बांग्लादेशको अन्तरिम सरकार बनेपछि दुई देशबीचको सम्बन्धमा उतारचढाव सुरु भएको छ ।

प्रधानमन्त्री पदबाट राजीनामा दिएर शेखÞ हसीना सैनिक विमान मार्फत भारत पुगेकी थिइन् । बांग्लादेशको अन्तरिम सरकारले शेखÞ हसीना विरुद्ध मुद्दा दायर गरेको छ ।

मोहम्मद युनुसले भने, ‘उनी दिल्लीमा छिन् । हामीले भनेका छौं कि तपाईले जे चाहानुहुन्छ निर्णय गर्न सक्नुहुन्छ किनभने कानुनी रूपमा तपाई फर्किनु पर्छ । तर, उनले भारतमा समय बिताइरहेकी छिन् । प्रेसमा धेरै गलत समाचारहरू आएको मोहमदको भनाई छ ।