नेप्से दाहाेराे अंकले घट्दा काराेबार रकम पनि खुम्चियाे

काठमाडाैं । साताकाे पहिलाे दिन आइतवार शेयर बजार दोहोरो अंकले घटेको छ । शेयर बजार २१.६३ अंकले घटेर २,७१४ बिन्दुमा कायम भएको छ ।

शेयर बजारमा ३१ कम्पनीको शेयर मूल्य बढेको छ भने २०७ कम्पनीको शेयर मूल्य घटेको छ भने ६ कम्पनीको शेयर मूल्य स्थीर रहेको छ । आज काराेबार रकम पनि घटेकाे छ । ६ अर्ब ८३ करोडको कारोबार भएको छ ।

दोहोरो अंकले घटेको शेयर बजारमा सामुदायिक लघुवित्तका लगानीकर्ताले सर्वाधिक कमाएका छन् । उक्त कम्पनीको शेयर मूल्य ८.१९ प्रतिशतका दरले बढेको छ ।

शेयर बजारमा ग्रिन विकास बैंककाका लगानीकर्ताले सर्वाधिक गुमाएका छन् । उक्त कम्पनीको शेयर मुल्य ७.९१ प्रतिशतका दरले गुमाएका छन् ।