अल्लु अर्जुनको पारिश्रमिक १ करोड पच्चिस लाख भारु

दक्षिण भारतीय फिल्म उद्योगका सर्वाधिक चर्चित र महंगा अभिनेता हुन् अल्लु अर्जुन । जो, एउटा फिल्म खेलेको १ करोड २५ लाख भारु पारिश्रमिक लिन्छन् । फिल्म पुष्पा ः द राइज अगेनबाट लोकप्रियताको शिखरमा पुगेका हुन् उनी । तेलुगुमा निर्माण भएर हिन्दीमा डब गरिएको उक्त फिल्म रिलिजपछि अर्जुनले पारिश्रमिकको दररेट बढाएका थिए । 

उनको जन्म १९८२ चेन्नईको एक तेलुगु फिल्मी परिवारमा भएको थियो । उनका पिता उल्लु अरविन्द तेलुगु फिल्म निर्माता हुन् ।  सन् २००१ मा फिल्म ड्याडीमा बाल कलाकारको रूपमा काम गरेका थिए । यो फिल्म उनका पिता उल्लु अरविन्दले निर्माण गरेका थिए । सन् २००३ मा फिल्म गंगोत्रीमा मुख्य भूमिकामा काम गरेका थिए भने हालसम्म ४५ भन्दा बढी फिल्ममा काम गरेका छन् ।

अभिनेताका लागि भारतको सर्वश्रेष्ठ नेशनल अवार्ड जित्ने उनी पहिलो तेलुगु कलाकार हुन् 

कार र घडीका सौखिन

उनलाई कारको निकै सोख छ । उनको ग्यारेजमा रेन्ज रोभरसहित ५ वटा महंगा कार छन् । यसका साथै एक प्राइभेट जेटसमेत छ । उनलाई महंगा घडीको पनि सोख छ । उनीसँग लग्जरी घडीको कलेक्सन छ ।

उनी बलीउडमा सबैभन्दा बढी पारिश्रमिक लिने अभिनेतामध्ये एक हुन्। उनको कुल सम्पति ४ सय तीस करोड रहेको छ । उनले अभिनय गरेको फिल्म पुष्पा सन् २०२१ मा भारतमा सर्वाधिक कमाइ गर्ने र तेलुगुमा हालसम्मकै सर्वाधिक कमाइ गर्ने फिल्म हो ।